Traditzioni bolit chi in is urtimas dìs de s’annu s’atobit unu pagu de genti chi contat in sa domu de su presidenti de sa Repubblica po si fairi is augurius. Su prus cicau de totus est stetiu su presidenti de su Guvernu Conte. S’at pigau is cumplimentus de totus po airi fatu agradessiri sa manovra finantziaria de s’Europa. Si ddue funt acostaus finas su guvernadori de Bankitalia Ignatziu Visco e su presidenti beciu de su guvernu Mariu Monti. In s’aposentu de is Coratzieris ddue funt totus is prus artas carrigas de sa Repubblica, mancaiat feti Mateu Salvini ca non est possiu andai: si nd’est andau a Milanu ca teniat de biri sa recita de sa figlia.
Conte fut setziu a su costau de su meri de domu, su presidenti Mattarella, e cun issus s’agatat puru sa presidenti de su Senau Elisabetta Alberti Casellati. Tra is primus a erribai Di Maio e in sa prima fila s’agatanta is ministrus Fraccaro, Bonisoli e Bongiorno.
Foto: corriere.it
