A pustis de una noti de tratativas tra is partis est stetiu firmau a s’Aran (Agenzia Rappresentanza Negoziale Pubbliche Amministrazioni) su cuntratu natzionali de trabagliu po s’Istrutzioni e sa Ricerca. Dd’ant annunciau totu paris sa Cgil, sa Cisl e sa Uil, fendu sciri ca su cuntratu nou at essi po, prus o mancu, unu milioni e dugentu mila trabagliadoris tra professoris, personali ata, cicadoris, tecnicus e aministrativus. Is aumentus in sa busta paga andant de 80,40 eurus finas a 110,70 e, a is categorias pagadas de mancu, funt cunfirmaus is otanta eurus de bonus. Non crescint is carrigus de trabagliu e funt cunfirmaus totu is agiudus e is diritus chi si podint donai a is trabagliadoris, antzis ci funt prus oportunidadis de tenni permissus pagaus chi podint essiri personalis o familiaris.
Soddisfatzioni manna de is sindacaus chi fueddant de dignidadi de trabagliu e de su dinari chi at a serbiri po sa valorizatzioni professionali. Unu cuntratu “giustu e de doveri”, aici nd’at chistionau sa ministra de sa Pubrica Aministratzioni Marianna Madia.
