Su Casteddu tenit trintatres puntus ma ancora non est sarvu e ne mancu trancuillu. Su Crotone andendu a binciri in Udine at fatu artziai is puntus chi serbint po si sarvai. Is piciocus de Lopez tenint cuatru puntus in prus de sa Spal, chi ci iat calai in serie B chi su campionau fut acabau oi, e tenit, tra totu is scuadras chi si depint sarvai, is partidas prus dificilis de fairi. Timint is giogadoris e iat serbiri comenti su pani a binciri sonumancu una partida.

Is partidas giogadas in Casteddu faint sa diferentzia manna cun totu is atrus campionaus de su 2004-2005. Po imoi de digiaseti partidas giogadas su Casteddu nd’at bintu cincu, paregiau tres e perdiu noi, e cun bintinoi gol pigaus est sa scuadra chi at fatu peus, chena contai Verona e Benevento, una giai calada e s’atra sighendudedda.

Is partidas prus dificilis parint cussas de su Casteddu chi at a giogai foras cun sa Sampdoria e cun sa Fiorentina e in domu cun Roma e Atalanta. Su Crotone de Zenga tenit su Sassuolo dominigu chi benit, su Chievo in Verona e sa Lazio cun su Napoli; sa Spal invecias andat a Verona dominigu e in segus cun Benevento, Torinu e Sampdoria; su Chievo giogat cun sa Roma foras e in segus cun Crotone, Bologna e Benevento; s’Udinese, chi at cambiau un’atra borta s’allenadori, cun Benevento, Inter, Verona e Bologna.

Parit unu campionau in su campionau e su Casteddu, tocat a dd’arregordai partit cun cuatru puntus in prus, po custu puru tocat a cicai de pensai beni.

 

 

Foto: linkoristano.it