E apustis su calori, de una pariga de dîs a-i custa parti, e su celu asulu, in Italia funt po erribai, un’atra borta nuis carrigas de abba. In su nord ant a incumentzai is primus tronus e lampus giai de oi, in Piemonti, in su Venetu e in Lombardia prus che in is atrus logus.
Su celu bellu, chena de nuis po imoi, e po totu sa dî de oi, abarrat in s’Isula nosta ma s’abasciant is temperaduras. De cras, mercuris 13 de làmpadas, is nuis erribant innoi puru e s’abba at a incumentzai a calai de is prima soras de pusti prangiu. Su propriu chi at essi in s’orrestu de s’Italia. Giobia non s’at a cumprendiri comenti si bestiri e chi tocat a pigai su paracu un’atra borta poita su tempus at essi chena de seguresa po nemus. A-i cussus chi pragit su mari tocat a tenni unu pagu de passientzia de prus ma apustis giai non s’ant a chesciai poita in Sardigna s’istadi, e cun cussa su tempus de andai a mari, non acabat in dus mesis ebbia.
Foto: savonanews.it
