Ce dd’ant fata is piciocus de Lopez a poderai sa categoria e a non ci calai in s’inferru de sa Serie B. Ant bintu eriseru contras de s’Atalanta ma cun su Crotone chi non at fatu puntus in su San Paolo, di Napoli, comenti si creiat, si podiat finas perdiri ca non cambiaiat nudda. Un’annu chi pariat ponendusì mali meda candu duas partidas fait (a pustis de cussa perdia in domu cun sa Roma) iat bidu is orrubiusasulus in Serie B. Candu is giogus pariant fatus nd’est bessia cussa barra de is giogadoris chi is tifosus ant aspetau totu s’annu e is urtimas duas partidas funt stetias giogadas cun gana de binciri e de donai totu in campu. Fut dificili cun sa Fiorentina e ancora prus dificili eriseru cun s’Atalanta ma is sardus ant cumbatiu e ant arregalau a is tifosus unu bisu, poita funt in pagus cussus chi ci creiant aberu. Sa Sardigna non podiat calai in Serie B in su giogu de palloni, chi tocat a s’arregodai ca est sempiri unu giogu ma serbit a s’intendiri unu pagheddu meglius candu is cosas andant mali.
Foto:blogcagliaricalcio1920.net
