Forsis est acabada, pusti Torinu, Vancouver e Sochi, ma po Carolina Kostner non est ancora erribau su tempus de ddu nai. Massimamenti a pusti airi sighiu sa giaponesa Sakamoto serrendu sa gara sua in cuinta positzioni.

Sa Russia in su fratempus si pigat sa pirma medaglia de oru: ce dd’at fata cun d’una piciochedda de cuindigi annus, Alina Zagitova, chi at vintu contrs de cussa chi beniat bista comenti sa stedda prus luminosa de totus, Evgenia Medvedeva de digiot’annus chi s’at pigau sa medaglia de prata. Su brunzu invecias est andau a sa canadesa Kaetlun Osmond. Sa cuntierra po is medaglias Carolina dd’at perdia ma cussa de s’idadi est calencuna cosa chi at abarrai po meda tempus in custu sport, difatis at poderau a piciocas in idadi de liceu.

A s’acabu Carolina at chistionau puru: “Chi est acabada? – at nau-, ancora tengiu su Mondiali in Italia de su21 asu 25 de martzu. Imoi mi bogliu pasai e pustis torru a trabagliai po mi fairi agatai pronta po cus’atobiu. No apu pigau peruna decisioni e no dda pigu aici in pressi. Custa Olimpiadi po mei fut meda importanti, non po dda binciri ma po agatai unu ecuilibriu artisticu, de su corpus e de conca”.


Foto: www.cerchidigloria.it