“Chi fut possibili a tenni unu presidenti de su Guvernu comenti Antoni Tajani iat essi una cosa bella de aberu. Tajani est stetiu unu de is babais mannus de Fortza Italia, e in totu custus annus at donau prova de essiri unu leali a is bideas nostras e leali finas cun Sirviu Berlusconi”.

A chistionai est Sirviu Berlusconi etotu cun Rtl in s’arradiu.

“Tajani est unu meda stimau in totu Europa, apu sighiu sa carriera sua e depu nai ca in is urtimus tempus est stetiu precisu e pagus atrus di podint nai calencuna cosa”. Po Berlusconi perou “Chi Tajani diventat aberu presidenti po s’Italia iat a perdiri meda in Europa poita Antoni iat depiri lassai su Parlamentu europeu”.

“A donnia manera” – sighit Berlusconi – “teneus atrus dus nominis chi ancora perou non feus. Ndi eus chistionau finas cun Salvini e sa Meloni ma no apu bofiu sighiri poita ci funt ancora coranta dîs de campagna eletorali e depeus prima pensai a binciri”.

“At essi Tajani su candidau? Berlusconi fait unu nomini a sa cida”, at nau su candidau a presidenti de su M5S Luisu Di Maio.