S’atra dî pagu prima de mesudì in is uficius de su Mise (su ministeru de su svilupu economicu) ant firmau s’acordiu po sa compora de s’Alcoa de parti de is svitzerus de sa Sider Alloys. In Roma cun su meri de domu Carrulu Calenda ddue fut finas su Guvernadori sardu Franciscu Pigliaru. S’atzienda de Portovesme fut serrada de su 2016, pustis chi si ndi funt fuius is americanus ma fut giai de su 2012 chi non produsiat prus nudda. S’annunciu de s’acordiu dd’at fatu in Twitter su ministru Calenda: “Firmau imoi – s’est ligiu – s’acordiu po bendiri s’Alcoa de Portovesme a is svitzerus de Sider Alloys”. Ancora non si connoscint beni totu is numurus ma de seguru is svitzerus depint fairi una bona pariga de cosas e prima de totu at ess icussa de sa bonifica de is abbas de sutaterra in sa zona de Portovesme. S’investimentu est meda importanti si chistionat de centutrintacincu milionis de eurus e de custus norantacuatru ant essi, comenti de agiudus, de su mise e de sa Regioni.
Calenda at nau puru ca ancora non est tempus de fairi festa e ca s’at a podiri festai feti candu at a bessiri su primu orrogu de alluminiu. Si pensat ca s’Alcoa at a torrai a trabagliai aintru de ses mesis
Foto di: Facebook.it
