A pustis is scritas contras su Ministru de s’Internu e segretariu de sa Lega Mateu Salvini, calencunu s’est postu a iscriri finas in su portoni de sa domu de su Partidu Sardu aunia cras incumentzat su trintacuatressimu cungressu de su partidu chi fut de Emiliu Lussu. Is capus de su partidu, chi funt urtimendu totu is cosas po s’atobiu, ant agatau custu mengianu is scritas e inderetura si funt postus a nce ddas bogai de su portoni etotu.
“Chi custa est s’aria chi tirat, po is eletzionis regionalis de friargiu po su Guvernadori nou, sa democratzia no ndi podit essiri cuntenta. Cussus chi faint totu custu parit chi non bogliant biri atera cosa de is ideas proprias. Nosu teneus is arretzetas nostras po sa Sardigna”, faint sciri de su Partidu Sardu.
“Est feti cun su votu, comenti si iat depiri fairi in democratzia, chi si depit morrungiai, totu s’orrestu non contat, spereus chi in su benidori s’aria siat prus de pagi”, sighint a nai is Sardistas. Eus benni a biri comenti at andai.
Foto: ansa.it
