Ci depit airi pensau meda Patrizia Cocco innanti de non bolliri prus is curas po si lassai morri. Fut malaida de Sla de su 2012. Est stetia sa prima a ddu podiri fairi pusti sa lei in pissu de su testamentu biologicu.

Est Marcu Cappato, su tesorieri de su Sotziu Luca Coscioni, a ddu cunfirmai pusti su interru de sa picioca nuoresa: “Patrizia m’iat cicau po mi pediri agiudu, poita non teniat su dinari bastanti po andai in Svizzera”.

Cappato ce dd’at acabada suta processu po airi acumpangiau Fabiano Antoniai, connotu comenti Dj Fabo, in sa terra elvetica po si bociri in d’una clinica. boliat fairi aici finas Patrizia e ddu at airi fatu chi in su fratempus non fut stetia fata sa lei in Italia.

Narat sempiri Cappato: “A Patrizia apu nau ca, in is cunditzionis suas, iat ari possiu pediri e otenni a non ddi fairi prus is curas ma non fut ancora seguru poita sa lei ancora non fut Lei”.

“Mi dispragit meda – sighit Marcu- po sa familia de Patrizia poita, comenti de sempiri, at sunfriu ma ce dd’at fata a rispetai sa scera de Patrizia”.