Dolores O’Riordan, sa cantanti irlandesa de sa truma The Cranberries est morta. Dd’at fatu sciri s’agenti sû Lindsey Holmes cun d’unu messagiu a is giorronalis e televisionis irlandesus.

“Sa cantanti de sa truma irlandesa The Cranberries fut in Londta po registrai. Po imoi non si scit atara cosa e sa familia, ca ancora non ci bolint creiri, ant pediu de ddus lassai a solus”, narat su messagiu. O’Riordan teniat 46 annus. Sa politzia de Westminster fait sciri ca est stetia lamada de un’albergu in Park Lane a is noi oras de mengianu e dde airi cunstatau de sa morti de una picioca de prus o mancu de corant’annus.

Po imoi s’indagu de sa politzia est chena peruna diretzioni. Forsis sa picioca s’est intendia mali, forsis ddu est atru, ma ant a serbiri una bona pariga de cidas po is arresultaus tossicologicus.

Dolores O’Riordan s’est pesada a Ballybricken a fundu de sa citadi aunia est nascia in su 1971, Limerick. Fut s’urima figlia de Terence e Eileen e teniat ses fradis. In su norantacuatru s’est coiada cun Don Burton, at tentu tres figlius (Taylor Baxter, Molly Leigh e Dakota Rain) e in su 2014 at divortziau.