Ancora non fait a serrai su paracu. Tocat a ddu tenni obertu poita, apustis s’abba de eriseru, in Sardigna oi puru proit e de cussu chi narat chini studiat su tempus a merì at essi ancoora peus. Duncas non serreis su paracu po sa dî de oi. S’abba erribat, custa borta, de sa Spagna e at essi acumpangiada de tronus e lampus.

Custu beranu giai nd’at fatu ma imoi ca incumintzat sa stagioni turistica si podiat frimai puru. S’annu passau fut abarrau noi mesis chena proiri, sa terra teniat sidi e s’erba fut groga chi prus groga non faiat, ocannu invecias is funtanas calant beni e is errius funt prenus che ou. Genti chi no ndi podit prus ca non bit s’ora de andai a mari e genti invecias cuntenta ca s’abba infriscat e timit su calori chi est erribendu. De cras si narat ca totu at a cambiai, ma s’istadi parit aberu atesu.

 

 

Foto: www.ansa.it