In Bonnannaro non s’est fata sa fiera de sa ceresia, dannu mannu po sa bidda de su Meilogu. Sa natura parit chi no nd’intzertit mancuna. S’annu passau sa sicidadi, abba pagu deaveras, iat fatu dannus meda po s’agricoltura, e cust’annu s’abba meda de su beranu, chi de una parti at giuau de un’atra parti at sconciau. S’abba meda est fendu pudesciri totu e at fatu nasciri is parassitas chi faint amalaidai is matas.
Massimamenti sa fruta ndi sunfrit de prus e prus che a totu sa ceresia, is fragolas, su piricocu e su pessiu. Finas s’orrosu est addurendu a ndi bessiri a campu, depiat essiri giai prontu de unu mesi, ma sa tropu abba non at permitiu de fairi totu is trabaglius chi si depint.
Sa fruta chi at tentu prus dannus est, a donnia manera, sa fragola chi at perdiu finas a su setanta po centu de sa produtzioni.
Foto: bari.ilquotidianoitaliano.com
