Est acabbada cun d’unu puntu a dognunu sa partida de su Casteddu eriseru cun su Frosinone de Longo. A su gol de Cassata de is grogus-asulus at arrespustu Farias in su segundu tempus. Barella, a cincu minutus de sa fini, s’at pigau su segundu cartellinu grogu e s’arbitru ce dd’at stupau e po custu non at a giogai sa partida de sabudu chi benit cun sa Roma. Maran at postu in campu, in denanti de su portieri Cragno is difensoris Srna, Cepitelli, Klavan e Padoin, is ominis de centrucampu Bradaric Barella e Ionita e is atacantis Joao Pedro, Pavoletti e Sau.

Est abarrau cuntentu, a s’acabbu de sa partida, s’allenadori de su Casteddu Maran: “Oi eus giogau una bella partida, ma nosu cicaus de fairi sempiri meglius. Imoi sa scuadra est fendu cussu chi depit e chi podit, oi puru custu fut craru”. “Nosu – at sighiu Maran- eus perdiu Castro e seus cichendu de agatai beni un’atru tipu de giogu. Feti cun su trabagliu intru de cida, podeus sighiri a ci provai”.

 

 

Foto: youtube.com