Pragit a totus su mari de sa Sardigna, pragit a totu is strangius chi siant italianus o chi erribint de foras de Italia puru. S’Isula nostra est sa prus cicada in Google in su 2018 comenti de logu aunia fairi is ferias. Mari, cultura, cosa de papai e cosa de bufai funt cussu chi bolint de prus is turistas e candu benint in Sardigna si nd’andant cun su coru prenu de allirghia e faint de totu po ci torrai.
Sighit, depeus nai ca in pagus si dd’aspetaiant, una terra de su fascinu mannu ma pobora: s’Albania. Atra terra de mari e de cultura manna est sa Sicilia chi agataus, difatis, a palas de sa terra de is Balcanus. Sighint sa Grecia e sa Croatzia, chi pagit massimamenti a is italianus, e inderetura in fatu ddue teneus sa Toscana. Atras terras cicadas meda funt Zanzibar e sa Corsica. Serrant, custa classifica curiosa, duas terras italianas: su Salento e s’Abruzzo.
Foto: paradisola.it
