“Nosu seus una Natzioni de s’Europa de su Mediterraneu. Nemus si podit rapresentai, nemus si podit cumprendiri, nemus si podit difendiri. Ddu podeus fairi feti nosu”.
De su blog Sardegna e Libertà, Pàulu Maninchedda, su segretariu de su Partidu de is Sardus, chistionat a su coru de is sardus de totu su mundu po cicai agiudu a is contus politicus de sa Sardigna: “Agiudanoisì a nai chi seus imparis potia ddu boleus, poita non biveus custa terra comenti una cundenna e nemancu comenti unu distinu ma comenti un’arregalu mannu”.
E arregodat ancora: “Nosu seus che is ebreus, is armenus, is curdus, is irlandesus, is indianus: seus una Natzioni chi non podit morri. Dognunu de nosu est Sardigna, finas a candu unu de nosu bivit totu at a biviri, teneus sa fortza po su benidori e podeus donai un’agiudu mannu a su chi seus bivendu. A bos atrus chi biveis atesu bastat unu “clic” po nai ca seus una Natzioni fians chi biveis in Germania, in Inghilterra o in Torinu e Milanu”.
Foto: sardegnaeliberta.it
