In su centrudresta s’incumentzat a trabagliai po sa campagna eletorali de is Regionalis. Solinas est su candidau e is listas de sa Lega e de su Partidu Sardu non ant essi imparis ma dognuna at a curriri po contu insoru. Is primus nominis po is candidaus ddus fait sa Lega: capolista in Gaddura at essi Dariu Giagoni, in Nugoro Pieruluisu Saiu, in Aristanis Annalisa Mele, in Casteddu Andria Piras.
Po su Psd’Az ancora non si scit nudda ma si faint is nominis de Giuanni Chessa, chi fut assessori de Zedda in Casteddu, su giorronalista Rai Igantziu Artitzu, Solange Pes, chi est assessora in su Masu, e Giuannifrancu Lancioni in Casteddu. In Nugoro invecias si fueddat de Efisiu Arbau, in su Sulcis de Fabiu Usai, in Gaddura de Giuanni Satta e Giuanni Filigheddu e in Tatari is nominis de Antoni moro e Gaietanu Ledda.
Foto: ansa.it
