Seus in allerta meteo, po su bentu, finas a sa mesunoti de oi e e sa Sardigna est ancora prus isola in custas oras po mori de su tempus malu. Ci funt problemas po is collegamentus de su mari e atrus problemas in is stradas puru. Sa zona prus boddia, de su bentu chi est sulendu a forti de eriseru, est cussa de cabu de sus. In Terranoa su maestrali nd’at fatu orruiri unu palu de sa lugi e sa partida de sa scuadra de fubalu contras de su Siena non s’est possia giogai, su bentu ndi liat totu.
Problemas mannus finas po is trenus, po mori de is matas chi ndi podint calai sa litorina de Golfo Aranci a Macumere non est partia. Ma non feti a costau de su mari ci funt is problemas, finas in sa strada chi andat de Nugoro a Siniscola una mata est orruta, mancu mali ca in cuss’ora non fut passendu peruna machina. De cras totu iat depiri cambiai e totu at a torrai a sa normalidadi.
Foto: vistanet.it
