Aristanis tenit sa corona, imoi, de “Citadi europea de su sport”. In Bruxelles, in sa sede de su parlamentu europeu, funt stetius su Comissariu po su sport, s’ungheresu Tibor Navracsics, e su presidenti de Aces Italia Francisu Lupatelli a donai a su sindigu Andria Lutzu e a s’assessori po su Sport Franciscu Pinna sa bandela ch ipo totu su 2019 at a pigai bentu a s’umbra de Ilionora d’Arborea.
Cun Aristanis ant pigau sa bandela atras tres citadis italianas puru, Mantona, Livorno e Vercelli, citadis de su sport 2019 issas puru, ma finas atras citadis, biddigeddas e finas capitalis europeas che Lisbona e Sofia.
Su sindigu aristanesu, una borta arretirada sa bandela at portau su saludu de sa citadi: “Aristanis est una citadi pitica de una terra de ispantu comenti sa Sardigan. Po nosu est un’onori ca seus innoi a chistionai de sport. Eus a fairi de totu in su 2019 po fairi biri ca baleus custa bandela”.
Foto: comune.oristano.it
