“Totu paris una lugi, e insegus unu corpu forti-forti. Eus timiu meda e duas mongias becias chi funt setzias in palas a mei ant incumentzau a pregai. Gratzias a Deus totu est andau beni e s’aereu at sighiu a bolai erribendu in Roma chena problemas”. Funt is fueddus de Romina Mura sa deputada de su Partidu Democraticu chi s’agatat in pissu de s’aereu, chi a sa una de s’atra dì est partiu de Casteddu po lompiri in Roma un’ora dopu, boddiu de unu lampu candu fut bolendu.

“Fustis arriolaus meda – aciungit sa Mura, chi est finas sa sindaga de Sadili – ma in pissu de s’aereu nemus s’est pesau a bogis. Una borta chi ndi seus calaus eus chistionau de cussu chi nos est sussediu”.

A s’incumentzu sa deputada de su Pd at cretiu chi fut sussedendu calencuna cosa in sa cabbina de is pilotas poita a pustis de su corpu forti si funt sturadas is lugis e si funt allutas cussas chi agiudant. Ma totu est beni cussu chi finti beni.

 

 

Foto: focus.it