Est feti curpa de is votatzionis comunalis e regionalis de su degi e de su binticuatru de friargiu chi su Partidu Democratigu at a votai po is primarias sa prima cida de marzu. Massimamenti su tre de marzu ma podit essiri finas calencuna cida a pustis. Nudda est ancora seguru e sabudu chi benit su partidu s’at a atobiai in s’Assemblea de is milli delegaus chi at a fueddai de is dimissionis de su segretariu Mauritziu Martina e at a incumentzai a aprontai su Cungressu natzionali aunia su partidu si at a giogai totu a pusti sa sonada chi nd’at boddiu a is eletzionis de su 4 de marzu.

In su mentris Nigola Zingaretti est fendu campagna eletorali e cenarba in-d-un’atobiu cun is giorronalistas strangius at a nai sa sua po su votu de su mesi de maiu po is Europeas.

Is sondagius narant ca a su primu postu, po essiri connotu, ddu est Martina e a su segundu Zingaretti e a sighiri Minniti. Invecias po sa fiducia in custus tres Minniti e Zingaretti funt is primus sighius de Martina.

 

 

Foto: google.it