Totus amachiaus po is culurgionis ogliastrinus chi at erriciu su marchiu Igp (Identificazione geografica protetta). Fut giai erribau su eia de su ministeru in su 2016 ma imoi est erribau finas cussu de sa Comunidadi Europea. Sa nova dd’at donada s’atru mengianu in Casteddu su presidenti de su Comitau, Vito Arra, intremesu de sa presentada de sa segunda editzioni de su festival “Culurgionis d’Ogliastra Igp”, chi s’at a fairi sabudu e dominigu chi benit in Lanusei. Giai de s’annu chi at intrai tra unu mesi podint partiri in su mundu dus milionis de etichetas cun su marchiu Ogliastra. “Custa nova at a serbiri a fairi sciri a totus ca c’est una zona in Europa, in Italia, in Sardigna una zona chi, forsis, innanti non si connosciat, aunia si fait una cosa chi est sa sola in totu su mundu”, ant spiegau beni a sa stampa is promotoris de su Cumitau.
Sabudu partit su festival in Lanusei a is degi de mengianu in su cinetiatru Tonio Dei cun s’atobiu “La pasta apripista verso i mercati globali” e ant essi duas dis cun tregi “butegas” aunia si ant a podiri testai culurgionis e atrs cosas bonas ogliastrinas
Foto: ingiroperlasardegna.altervista.org
