“Is Statuas de Monti ‘e Prama depint abarrai in Crabas”. Su Presidenti de sa Regioni Franciscu Pigliaru provat a serrai sa cuntierra in pissu de is gigantis nuragicus tra sa capitali sarda e sa bidda aunia funt stetius agataus.
Sa diretora de is Museus de Casteddu, Giuanna Damiani, iat nau ca: “Sa domu de is gigantis e finas Casteddu”. Ses consiglieris regionalis, Antoni Solinas e Mariu Tendas de su Partidu Democraticu, Atiliu Dedoni e Alfonso Marras de is Riformadoris, Augustu Cherchi de su Partidu de is Sardus e Oscar Cherchi de Fortza Italia, dd’ant arresputus inderetura ca: “Is gigantis depint abarrai in su territoriu aunia ddus ant agataus, iat essi cosa legia po sa cultura sarda e po su Museu archeologicu de Crabas”.
In su documentu presentau de is ses consiglieris si pedit de non torrai agoa de s’acordiu fatu de sa Regioni Sardigna e su Mibac po sa valorizatzioni de is statuas de Monti ‘e Prama in Crabas etotu
Foto: museocabras.it
