De sempiri is logus aunia andanta a trabagliai is sardus funt sa Germania, sa Francia e su Belgiu in Europa e s’Argentina, is Stadus Unidus e s’Australia in s’orrestu de su mundu. Imoi invecias funt cambiendu custus logus e s’andat a cicai trabagliu massimamenti in sa Scandinavia e in su Mediu Oriente.
Finas a imoi funt cuasi centubinti mila is sardus chi funt iscritus a s’AIRE, s’Anagrafe italiana chi funt in logus strangius. Su Stadu aunia funt de prus est sa Germania, sighia de sa Francia e de su Belgiu e poi Inghilterra cun sa Svizzera. In is primus degi a pusti agataus Paesi Bassi, Argentina, Spagna, Stadus Unidus e Australia.
Comenti eus nau imoi a totu custas s’aciungint sa Danimarca, sa Svezia, sa Norvegia e sa Finlandia in Europa e is Emiraus Arabus Unidus. Cosa de spantu est aberu ca is emigraus sardus s’agatant de dogna parti e chi andais in ferias in Islanda, in Sudafrica o Malaysia e in is isulas de Wallis e Futuna, inigui puru podeis agatai calencunu de s’Isula nosta.
Foto: sardegnaoggi.it
