Dogna familia sarda pagat, in media, si cumprendit, 353 eurus po sa tassa de s’aliga. Ddu narat, pighendu totu is pretzius de is biddas e citadis sardas su Osservatorio Prezzi e Tariffe di Cittadinanzattiva. Su dinari chi pagaus est po su 2018 e est meda prus artu de sa media natzionali chi est de 302 eurus. Casteddu est in is primas degi citadis italianas aunia si pagat de prus. Difatis, in sa citadi aministrada de Massimu Zedda, si pagat 514 eurus. Tocat donai meritus a Zedda de airi abasciadu sa spesa po s’aliga, de su 2017, de su 6.3%. S’annu passau si pagaiat 549 eurus. In denanti de Casteddu, in s’orrestu de s’Italia, ddu est feti Trapani, in sa citadi siciliana difatis si pagat 571 eurus a s’annu. In Nugoro si pagat 335 eurus e in Aristanis 295, comenti si pagaiat s’annu passau puru. S’abbasciat su tanti de pagai in Tatari de272 a268 eurus.
A diferentziai s’aliga sa citadi prus capassa in Sardigna est Aristanis cun su 78,5%, sighia de Nugoro, Tatari e Casteddu, aunia perou est partia de pagu e non ndi boddit totu sa citadi.
Foto: comunecagliarinews.it
