Boliat avelenai s’abba pubrica, umperendu s’antrace, su marochinu chi eriseru a mengianu is Nocs ant acapiau in su centru de Macumere. Amin Al Haj est su nomini de s’omini, chi imoi est in su presoni nugoresu de Badu ‘e Carros, incurpau de terrorismu internatzionali. Po is investigadoris Al Haj, chi biviat in-d’una domu in sa zona de Scalarba cun sa sposa, marochina cussa puru, e cuatru figlius, de meda tempus fut sighiu de sa politzia. S’omini iat essi meda acanta a s’Isis e teniat documentus fartzus, un ulibanesu e s’atru israilianu.

S’indagu in pissu de su marochinu, portada a innanti de sa Procura de Casteddu e de sa Digos de Nugoro, dd’at coordinada sa Procura natzionali antimafia e, po custu, in su mericeddu de eriseru, in Roma, ant chistionau in investigadoris fendu sciri totu cussu chi est sussediu. S’idagu est partiu de Casteddu su 17 de cabidanni a pustis chi, cun s’agiudu de s’“intelligence” at fatu sciri ca in Macumere s’agataiat unu “palestinesu” chi si fut movendu po avelenai s’abba. Sa nova in Sardigna est erribada a pustis chi unu fradili de Al Haj est stetiu acapiau e incurpau de sa propriu cosa.

 

 

 

Foto: laprimapagina.it