“Non est sa caglientura a coranta ma mancu a trintaseti. Su spread aici coment’est non du podeus mantenni po meda poita chi nde chi nò est unu problema mannu po sa parti prus debbili de su sistema bancariu”. Dd’at nau su ministru Giuanni Tria in sa puntada de Porta a Porta.
Eriseru su spread est erribau a tregentubintunu e is bancas funt orrutas in Prassa Affari. De Bpm (-4,76%) a Ubi (-4,14%), passendu po Unicredit (-3,37%) e Intesa Sanpaolo (-3,43%).
Signalis chi arriolant, Tria non ddu narat po non fairi a timiri e po non si ponni contras sa magiorantzia de su Guvernu.
“Po imoi non c’at perunu motivu po cambiai sa manovra, pensaus chi siat sa prus giusta de fairi”, at nau arrespundendu a sa pregunta chi su governu cambiat calencuna cosa de sa manovra una borta scrocorigada una segunda borta de Bruxelles. “Chi sucedit un’atra crisi che-i cussa de su 2008 calencuna cosa da depeus cambiai amaroglia”.
Foto: ilpost.it
