Guerra a sa guerra, ma cun allirghia e cun sa de digiaseti Marcia sarda de sa pagi. Bintidus chilometrus de passillada tra Gesturi e Laconi cun frimada in Nuragus e prangiu, de si portai de domu, in sa fratzioni lacunesa de Crastu. S’atobiu est po dominigu chi benit a is noi oras indenanti de sa prassa de sa cresia de Gesturi. Apustis una bell caminada po cicai de nai ca sa pagi podit partiri finas de sa Sardigna. Una de is cosas chi s’at a fueddai est cussa de frimai su mercau de is armas, comenti cussas chi benint fatas in sa Rwn de Domusnovas. “Tocat a denunciai – si ligit in su documentu scritu de chini aprontat sa Marcia – chi s’Italia andat contras sa Costitutzioni donendu su permissu de mandai is armas fatas in Sardigna a s’Arabia ca ddas umperat po sperdiri sa genti de su Yemes”. Is organizadoris chistionant finas de is “servitù militari” denuncendu ca ddas depiant torrai a nudda e invecias funt ancora innoi a nos arregodai ca seus terra ocupada chena permissu de sa genti.
Foto: pressenza.com
