Prus de unu milioni de ominis, feminas, pipias e pipius funt cussus chi eriseru funt calaus in is orrugas de Barcellona po pigai parti a sa festa natzionali de sa “Diada”. Centinaias de migliaias de genti, dd’at finas fatu sciri sa politzia municipali, chi funt andaus in is prassas po portai ainnanti is ideas de indipendentzia.

Sa Diada arregodat s’acabu de s’assediu de Barcellona in su 1714, candu sa Catalogna at perdiu is libertadis costitutzionalis, in sa guerra contras de is Borbonis, e s’autonomia de sa regioni. Custa festa manna, giai de su 2012, benit umperada de is indipendentistas po manifestai e pediri s’essida de sa Spagna. Medas capus politicus indipendentistas funt ancora in presoni a cuasi un’annu de cussu chi est sussediu in Sant’Andria passau candu si depiat votai po s’indipendentzia.

Maglietas orrubias, bandelas grogas-orrubias de is separatistas e meda cartellus cun is scritas “Liberai is presoneris politicus” si funt bistus in is prassas.

 

 

Foto: reportdifesa.it