Fairi sciri comenti bolit ponni a curriri su inari in Sardigna, po cresciri imparis, e unu passu a palas in pissu de su treasferimentu de is trabagliadoris de Terranoa a Malpensa.
Est cussu chi ant pediu su presidenti de sa Regioni Franciscu Pigliau e s’assessori de is trasportus Carrulu Careddu a s’ambasciadori de su Qatar in Italia Abdulaziz Bin Ahmed Al Malki Al Jehani, in d’un’atobiu de eriseru in Roma in s’ambascaida de su Stadu Arabu. Sa riunioni est sa segunda puntada apustis sa litara chi su guvernadori sardu iat mandau a s’ambasciadori in su mesi de triulas. Tandu Pigliaru iat fatu sciri ca su trasferimentu de is trabagliadoris non fut giustu ca podiant trabagliai finas in Sardigna chena perunu problema. S’ambasciadori, fait sciri sa Regioni, at a cumbidai is autoridadis de su Stadu sû de benni in Sardigna po cicai de s’agiudai s’unu cun s’atru.
Foto: algheroeco.com
