Duas oras est durau s’atobiu tra Mateu Salvini e Sirviu Berlusconi eriseru a merì in Arcore. Un’atobiu, aunia ddue funt finas Antoni Tajani e Giuanni Carrulu Giorgetti, chi cussus chi funt acanta a is dus capus narant siat andau beni finas chi ancora non apant pigau peruna decisioni. Parit chi Fortza Italia non tengiat perunu problema a donai is votus sûs, po sa presidenza de sa Rai, a Marcellu Foa, ma Berlusconi, innanti de donai s’ordini a is deputaus est aspetendu chi sa Lega acrarat sa positzioni propria, non feti pensendu a is alleantzias po comunalis e regionalis, ma finas po calencuna cosa de cussu chi funt fueddendu in su Guvernu chi siat sa flat tax o sa publicidadi in televisioni, chi est unu cuaddu de bataglia de is Steddaus. Po imoi si nd’at a chistionai in-d’un’atru atobiu, sa cida ch’intrat, aunia de seguru s’at a sblocai sa situatzioni de sa Rai.
Foto: palermomania.it
