“Una partida giogada deaveras contras de una scuadra forti meda e prus ainnanti meda de nosu in sa preparatzioni, bastit a pensai ca sa cida ch’intrat at a giogai is primus partidas po sa Champions”. Custus funt is fueddus de Rolando Maran pustis sa partida perdia cun is turcus de su Fenerbahce, prima amichevoli foras de Italia de is piciocus orrubius-asulus. Su Casteddu dd’at perdia po 2-1 e su gol de is sardus dd’at fatu Sau e po is turcus totus a is dus gol ddus at fatus Potuk.
“Bolia biri – at sighiu a nai Maran – cali iat essi stetia sa reatzioni nosta cun d’una scuadra che-i custa. Eus poderau beni su campu, de certu depeus migliorai in calencuna cosa, comenti cussa de cicai de prus is atacantis nostus”.
Maran at poi chistionau de su impignu mannu chi totu is giogadoris ant tentu e de sa fiducia po su benidori. Sabudu atra partida in Turchia etotu, custa borta cun su Trabzonspor.
Foto: ansa.it
