Su guvernadori beciu de sa regioni at fatu sciri sa decisioni sua cun-d’unu messagiu in Facebook, aunia at postu un’orrogu de sa litara spedia a su capu de su partidu Sirviu Berlusconi s’undigi de triulas passau.
“Presidenti stimau, ti scriu poita intendu su doveri de fairi calencuna cosa de prus po tui e intendu aintru su doveri de ddu fairi in cussu chi forsis est su tempus prus dificili in is urtimus annus. Tui, in sa gherra po su beni de s’Italia, tenis abisongiu de genti chi ti bolit beni e de s’amori de sa genti chi est a su costau tu, massimamenti de sa generosidadi e de su coragiu. Po custu, ca sciu ca tocat a cambiai is cosas, mi dimitu, de s’incarrigu chi tengiu, inderetura”, custu est su chi si ligit in sa pagina de Cappellacci.
Est de nai ca Cappellacci no ndi bessit de su partidu poita sighit a scriri: “Abarru e ap’abarrai po sempri a su costau tu, comenti unu sordau e cun is gradus chi mi bolis donai tui”.
Foto: twitter.com/ugocappellacci
