“Nos agataus ancora feti po miraculu”, aici chistionat unu de is dogi piciocheddus sarvaus in sa ruta tainlandesa de Tham Luang, imparis a s’allenadori de binticincu annus Ekkapol Chantawong.
Adul Sam-on de catodigi annus, annomingiau Dul, at contau cussas oras in s’atobiu cun is giorronalistas paris a is atrus piciocheddus chi ant lassau s’ispidali de Chang Rai apustis otu dìs. Depiant abarrai po noi dìs ma is dotoris, bistu ca totus funt is saludi, ddus ant fatus bessiri innanti. Inderetura, poita sa genti bolit sciri, ant aprontau s’atobiu cun is media “poita ddi facant totu is preguntas chi bolint – ant nau de su guvernu – ma una borta chi erribant in domu insoru boleus chi ddus lassint in pagi”.
Is piciocus, bestius cun sa divisa de sa scuadra, si funt scusaus cun is babus e cun is mamas po non ddus airi avertius ca funt intrendu in sa ruta e si funt dispragius meda po sa morti de Navy Seal, unu de-i cussus chi ant cicau de ddus sarvai.
Foto: repubblica.it
