Sa Sardigna est unu de is logus prus poburus de su Mediterraneu. Non est una novidadi poita is numurus de Infocamere, Istat e Svimez funt crarus. De pagu sa Ue nos iat fatu passai de regioni “in transitzioni”, cun su Pil cumpresu tra su setantacincu po centu e su noranta, a regioni “prus pagu svilupada”, cun su Pil suta su setantacincu po centu. S’Isula nostra, pobora e becia, chi aintu su 2050 iat depiri tenni sa metadi de sa genti chi dda bivit oi, si movit a duas velocidadis: is logus acanta de Casteddu e sa citadi puru s’acostiant a s’orrestu de s’Italia, invecias is logus de su Sud Sardigna, su Campidanu e s’aristanesu funt atesu meda.
Po is studius chi si funt fatus s’Italia Meridionali at a contai cincu milionis de personis de mancu in su 2065. Su sud de sa Sardigna, in custus contus, at essi prima feti de sa citadi de Potenza in Basilicata.
Foto: twitter.com
