Papa Franciscu chistionat un’atra borta de is migrantis po si fairi intendiri de totu sa Comunidadi internatzionali. “Funt erribadas, in custas urtimas cidas, novas malas de migrantis mortus in is abbas de su Mediterraneu”, at nau Bergoglio in s’Angelus de dominigu in pratza San Pietro, nendu puru ca est addoloriu meda e assegurendu ca “mi pongiu a pregai meda po is ominis e is feminas chi ant perdi usa vida”. “Bogliu chi mi intendat chini depit ascurtai beni – at sighiu su Papa – non m’iat pragiri po nudda a torrai a biri cussu chi giai est sussediu. Sa Comunidadi internatzionali si ndi movat a pigai decisionis importantis. Depeus assegurai a chini erribat s’arrespetu de is diritus de dogna omini e sa dignidadi puru, forsis prus de totu custa.
Giai una pariga de dis fait, torrendudendi de Ginevra, in pissu de s’aereu Franciscu iat chistionau de s’acoglientzia: “Dogna Stadu – at nau- depit fairi cussu chi ce dda fait a fairi.
Foto: paroladivita.org
