S’Universidadi de Tatari, po una cica de Repubblica Censis, est a su segundu postu de is universidadis piticas italianas. Sa de Casteddu, invecias, est a su cuintu postu tra is universidadis mannas in palas de Perugia, Parma e Pavia.
“Seus cuntentus medas po cussu chi s’Universidadi de Casteddu est fendu in su tempus – narat sa retora Maria del Zompo – su chi nos si fait prageri deaveras est ca seus sempiri prus bravus in sa didatica, in sa cica, in is servitzius po is studentis e in is rpaortus cun su territoriu. Meritus mannus ndi tenit sa Regioni ca, prus che a totu in is urtimus dus annus, nos at donau de prus de cussu chi nos si ndi tirat su Stadu. Tocat a nai ca totu su mundu chi est acostau a s’Universidadi, studentis, professoris e totu s’orrestu de su personali, funtzionat beni”. Pigliaru de su cantu su at scritu in Facebook: “Is universidadis de Casteddu e de Tatari, po sa cica de dogn’annu de su Censis, erribant in is primus positzionis. Su dinari chi eus postu in prus serbint po andai ainnanti sempirri meglius”.
Foto: euclinews.it
