Istant beni is cuatru piciocheddus sarvaus eriseru in Thailandia apustis chi po una pariga de dìs funt aintru de una ruta in Tham Luang. Funt in s’ispidali, aunia ant papau cosa caglienti ma ancora non ant atobiau is babus e is mamas, segundu cussu chi narat Anupong Paochinda, su ministru de s’internu de sa Thailandia. No ddus ant atobiaus poita ancora si timit chi ci siat calencuna infetzioni. Abarrant de sarvai ancora otu piciocheddus e s’allenadori de sa scuadra de su giogu de palloni. Eriseru, apustis airi sarvau is primus cuatru, ant suspendiu totu poita ddue fut pagu ossigenu, ant torrau a pigai is operatzionis in is urtimas oras e s’at a cicai de fairi totu codendu poita aintru tenint calencunu problema a is lugis cun su led. Su primu chi nd’at a bessiri ddu at a fairi apusti prangiu, faint sciri is autoridadis.
Su prus piticu de totu custus piciocheddus tenit undigi annus e su prus mannu, s’allenadori chi cun-d’una litara at pediu scusa a is babus e a is mamas po airi portau is piciocus aintru de sa ruta, ndi tenit binticincu.
Foto: tgcom24.mediaset.it
