Finas Luisu Di Maio ponit a una parti Andria Mura, su velista sardu deputau de is Steddaus, chi non si fait biri cuasi mai in Montecitorio po “fairi politica de sa barca”, comenti issu etotu at nau in s’intervista a La Nuova Sardegna de lunis passau.

“Su deputau Andria Mura non si di iat depiri dimitiri ma ddu depiat airi giai fatu” narat su numuru dus de su Guvernu e capu de su Movimentu de is cincu steddas. “Cussu chi at nau Mura non si podit intendiri – at sighiu a nai su ministru – tocat a nai ca is parlamentaris, e po cussu deu puru, est genti fortunada meda chi faint unu trabagliu de privilegiaus e funt pagaus meda, po totu custu iant essi is primus chi si depiant ponni a trabagliai po cicai de migliorai sa vida de totu s’orrestu de is citadinus italianus”. Peruna difesa, duncas, de su capu politigu. Giai eriseru is capustrumas de is Steddaus a sa Camera e a su Senau iant pediu is dimissionis de Mura.

 

 

Foto: lettera43.it