Est fendu calori meda in s’isula de su Giapponi chi at bociu prus de coranta tra ominis e feminas in is cidas passadas e feti in custu fini de cida nd’at bociu undigi.
In prus de unu logu si funt intendius coranta gradus e su logu prus caglienti de totus est stetiu sa citadi de Kumagaya, in sa prefetura de Scitama, cun prus de corantunu gradus. Non andat megliu a Tokyo
Segundu cussu chi s’est scipiu de is giorronalis e televisionis giaponesas giai a is seti e mesu de mengiau in is urtimas dìs ddue funt trintadus gradus.
Su prus de totu de sa genti chi est morta funt is becius, e in sa capitali de su Stadu in su fini de cida apena passau funt prus de tremilia cussus chi ant sunfriu aici meda su calori de si fairi biri in is ispidalis, tregentus cussus ricoveraus.
Su guvernu non podit fairi atru che donai consiglius a is citadinus de po cicai de cumbatiru custu calori e “pregai” chi dd’acabit cantu prima.
Foto: meteoweb.eu
