Atra compora po s’annu chi benit de su Casteddu, de su Chievo erribat su centrucampista Lucas Castro, annomingaiu in Argentina El Pata. Su giogadori, bofiu prus de totus de s’allenadori nou Rolando Maran ca ddu connoscit beni po dd’airi giai tentu in Catania e in su Chievo etotu, giogat giai de ses annus in Italia. Tres annus si ddus at passaus in Sicilia aunia at giogau unu campionau de serie B puru (90 bortas in totu est calau in campu cun su Catania) e atrus tres annus si ddus at fatus in Verona cun sa scuadra de su presidenti Campedelli gioghendu po otantases bortas in campionau. Giogadori cumpletu, in totu custus annus at fatu binticuatru gol ca po unu centrucampista non funt aberu pagus. Est unu giogadori chi serbiat meda a su Casteddu de sempiri. Apustis is visitas medicas s’est postu de acordiu cu nsu presidenti Giulini po abarrai in Sardigna po tres annus.
Foto: goal.com
