“Beni aici, agataus giustu chi sa Pelosa depat essiri difendia”, aici chistionant is turistas chi andant a biri una de is spiagias prus bellas de Sardigna. Pagus morrungius e meda cuntentesa po is obrigus e po sa cosa chi non si podit fairi. Funt prus che a totus is turistas strangius chi apretziant de prus is arreguleddas noas de sa comuna de Istintinu po cicai de sarvai de dannu custa spiagia nodida in totu su mundu. Custa est sa parti bona, ma comenti in totu is medaglias s’agatat finas sa parti mala e difatis c’at genti chi sighit a non umperai sa stuoia asuta de s’asciugamanu e chini sighit a fumai chena si ponni perunu problema.
Totu cuntentus, de is sposigeddus a is fumadoris, de sa familia chi erribat de sa Germania a-i cussus chi benint sa prima borta, de is ambientalistas a is italianus, e parit ca cussus chi narant ca cun is arregulas noas sa genti non iat essi erribada, po custa borta non tenint arregioni.
Foto: sardegnainblog.it
