Est prus pagu sa genti chi est andada a votai po is eletzionis comunalis in Sardigna: eriseru at votau cuasi su sessantatres po centu de cussus chi ddu podiant fairi. In su 2013, invecias, funt andaus a votai su setanta po centu. C’at de nai, però, ca is sardus votant prus de s’orrestu de s’Italia, aunia sa media est de su sessanta po centu.
Sa provincia chi at votau de prus est cussa de Tatari cun su setantunu po centu e cussa aunia ant votau prus pagu est cussa de Casteddu cuns su cincuantatres po centu.
Funt trintotu is cumunus aunia si depiat votai e de custus giai in trintases si scit chini est su sindigu nou, feti in Assemini e in Iglesias tocat a torrai a votai poita perunu de is candidaus at pigau su cincuanta po centu, prus unu, de is votus. Is dus cumunus ant a votai tra duas cidas, su 24 de lampadas, in Iglesias ant essi Mauru Usai (Partidu democratigu e listas civicas) e Falentina Pistis (Fortza Italia, centrudresta e listas civicas) a si sfidai; in Assemini, invecias, ant essi Sabrina Licheri de is Steddaus contras Antoni Scano de su cetrudresta.
Foto: castedduonline.it
