Is tifosus de su Casteddu funt erribaus a su primu postu, paris a cussus de su Chievo, Sassuolo e Udinese, in sa classifica de su trofeu Fair Play 2017-2018 de sa Serie A, intregau a sa memoria de Gaetanu Scirea, giogadori bonu in campu e prus bonu ancora in foras chi mai est stetiu scaresciu de chini at sighiu su giogu de su palloni.

Su Casteddu si nd’est pregiau meda e inderetura at scritu calencuna cosa in su giassu internet: “Seus orgogliosus meda de is tifosus nostrus – si ligit – chi ant sempiri postu s’amori po sa scuadra a su prim upostu e funt stetius sportivus po totu s’annu”.

Su premiu tenit valori meda chi pensaus ca finas in su campionau de Serie B de su 2015-16 is casteddaius ddu iant giai bintu. Onori e meritu mannu po totus, bolit nai ca in Sardigna si cumprendit eita bolit nai sport e ca non balit sa pena a si cravai po unu giogu, c’est chini dd’at cumprendiu e atras tifoserias chi ancora no dd’ant fatu.

 

 

Foto: sardegnasport.com