Su presidenti de sa Francia, Emmanuel Macron, acumpangiau de sa pobidda Brigitte est stetiu erriciu de su Papa Franciscu custu mengianu po un’atobiu a portas serradas.

Cuasi un’ora de chistionis, aunia, aici parit, is dus ant chistionau de medas cosas, incumentzendu de sa guerra contras sa poboresa e s’imigratzioni, prus che a totu imoi apustis is cosas sucedias in custas dis tra sa Francia e s’Italia po mori de is navis de is ong chi funt agiudendu in su mari Mediterraneo is migrantis.

Candu si funt depius saludai, Macron at fatu una cosa chi non faint totus e at carignau sa faci de Franciscu.

Ainnanti de intrai in Vaticanu, su presidenti francesu at atobiau in Palatzu Farnese, domu de s’ambasciada de sa Francia in Italia, una truma de sa Comunidadi de Santu Egidiu chi de sempiri cicat de agiudai is ominis e is feminas chi si fuint po ndi benni innoi in Italia.

 

 

Foto: romasociale.com