Is mondialis de palloni est incumentzada e po sa Russia, chi est sa meri de domu, est incumentzada ancora meglius. In su stadiu Luzhniki de Mosca at fatu cussu chi boliat cun s’Arabia Saudita e a sa fini at bintu po 5-0. Timiant meda is tifosus de domu poita in is urtimas seti partidas giogadas sa scuadra de Cercesov no nd’iat bintu mancuna. Putin, totu su stadiu dd’at batiu is manus prus de una borta, est cuntentu meda. Su presidenti de sa Russia at castaiu sa partida paris a su presidenti de sa Fifa Giuanni Infantino e a su principi saudita Mohammad bin Salman Al Saud, a sa fini de sa partida pariat finas unu pagu dispragiu po doveri de ospitalidadi.

Po unu mesi in Russia non s’at a chistionai de atru chi non de palloni e de oi incumentzant finas is partidas mannas cun natzionis che Spagna e Portogallo chi si dda giogant. At essi unu spassiu po medas, ma non po totus, mancat s’Italia e is italianus si depint cicai una scuadra de tifai.

 

 

Foto: ilsussidiario.net