Dominigu chi benit ant essi trintotu biddas lamadas a votai po cambiai sindigus e coniglieris comunalis in Sardigna. De custas trintotu funt undigi a cadunu po is provincias de su Sud Sardegna e de Aristanis, seti in sa provincia de Nugoro, ses in cussa de Tatari e tres in s’area metropolitana de Casteddu. Assemini e Igresias funt is cumunus prus mannus aunia, chi peruna lista giumpat su cincuanta po centu sa prima borta, s’at a podiri votai in duas bias.
Ma non totu is biddas ce dd’ant fata a presentai is listas de candidaus e po custu sa Giunta de sa Regioni at nomenau is cumissarius po cincu de custas biddas. Giuanna Dedola, chi est una dirigenti regionali, po Putifigari, Giuanni Maria Retanda, cumissariu giai in Tzaramonte, po Ortueri, Felici Corda, giai cumissariu de Orgosolo, po Sarule. Paulu Puddu e Maria Dominiga Porcu abarrant in Magomadas e Austis aunia funt giai trabagliendu.
Foto: ultimenotizieflash.com
