Fabieddu Aru iat essi pensendu de non difendiri su titulu in is Campionaus italianus de ciclismu de cust’annu chi si currint su trinta de custu mesi in Darfo Boario Terme, in su Brescianu. Custa est sa nova chi s’est ligia in is paginas de su Corriere dello Sport, si pensat ca su ciclista de Biddexidru, apustis s’essiri arretirau in s’urtimu Giru de Italia, non est ancora prontu a torrai a curriri in bicicreta.

Po Aru, in is urtimas dîs, funt erribaus is arresultaus de is analis e iat a parri chi ddue siat calencuna intollerantzia. Imparis a sa preparatzioni tecnica, iat essi una de is causas de is problemas chi at tentu cust’annu. Non si chistionat mancu de su Tour de France e su ciclista sardu iat depiri torrai in pissu de sa bicicreta feti po su Giru de Polonia chi s’at a curriri a s’acabu de su mesi de Orgiolas. Torrendu tandu si podit preparai beni po sa Vuelta e po su Mundiali de Innsbruck chi s’ant a currriri de su23 asu 30 de cabidanni.

 

Foto: wikipedia.org