“Is basis po erribai a unu guvernu ci funt totus, chi ce dda feus at essi una bomba de bona sustantzia. Custa est s’ora de chini tenit coragiu non po chini tenit coru debbili, depeus portai ainnanti una rivolutzioni”. Aici chistionat Luisu Di Maio in Facebook.
Su capu de is Steddaus ciat de biri a eita puntu est sa tratativa cun sa Lega: “Biu – at nau – meda genti chi errint in pissu de cussu chi seus fendu, ma si ndi facant un’arregioni, po nosu funt cosas serias e cussu chi nos eus nau e poneus po iscritu est sa basi po partiri beni”.
Chistionat finas de cussu chi pensant oguali e finas a imoi ddus fait andai ainnanti: “Reddito de is citadinus, sa flat tax giusta po totus, ma finas la lei po s’abba pubrica po donai valori a-i cussu referendum chi iaus votau. Sa galera po chini si fuit, e medas atras cosas po una natzioni aunia is onestus si intendit cadumus prus de totus. Seus de acordiu finas po is pensionis tropu mannas e boleus torrai a biri is acordius cun s’Europa”.
Foto: ildubbio.news
