Apustis airi fatu festo po essi abarraus in Serie A, imoi su Casteddu castiat a su benidori. Cras, mercuris 23 de maiu, a sa Sardegna Arena giogat una partida cun s’Olbia a is otu e mesu de merì. A s’acabu de sa partida su presidenti Tommasu Giulini atobiat is giorronalistas po incumentzai a chistionai de totu cussu chi c’at de fairi.
Una de is primas cosas chi si depit pensai est su nomini de s’allenadori. Non si scit ancora chi abarrat Lopez o si cambiat. De seguru is dirigentis de su Casteddu depint finas torrai a biri totu is giogadoris chi ant donau innanti a Rastelli e in seugus a s’allenadori uruguagiu: meda dopionis, giogadoris chi ant giogau in partis de su campu chi non funt is insoru e pagu genti capassa de fairi girai sa bocia. De giobia, a donnia manera, totu is giogadoris partint po is ferias.
Su Casteddu, a is primus de Triulas, s’at agatai in Aritzo po incumentzai is allenamentus, e dapoi, de su14 asu 28 partit a Peio, comenti is atrus dus annus.
Foto: sportface.it
